Հարիրի. «Պահանջուածը Անկուսակցական Նախարարներով Կազմուած Կառավարութիւն Է»

0
422
Lebanese Prime Minister Saad Hariri speaks during a regional banking conference, in Beirut, Lebanon, Thursday, Nov. 23, 2017. Hariri told the conference that the country's stability is his primary concern. The remarks, a day after Hariri suspended his resignation, sought to assure the Hariri's government would keep up the effort to have Lebanon remain a top Mideast destination for finance. (AP Photo/Hussein Malla)

Նշանակուած վարչապետ Սաատ Հարիրի հարցազրոյցի մը ընթացքին յայտնեց, որ ինք ոչ մէկ ճնշումի տակ համաձայն պիտի գտնուի կառավարութեան, եթէ անոր կազմով համոզուած չըլլայ:

Ան հաստատեց, որ ինք բնաւ չի փափաքիր ներկայ կառավարութեան նման կազմ մը ունենալ, որովհետեւ անոնք բոլորը ձախողած են բարեկարգումներուն գործադրութեան մէջ, որ հիմնական է Լիբանանը տնտեսական եւ ելեւմտական առումով իր տագնապէն դուրս բերելու:

Հարիրի շեշտեց, որ կառավարութեան կազմը ընդարձակելու հարցը քննարկումի առարկայ չէ` աւելցնելով, որ պահանջուածը անկուսակցական նախարարներով կազմուած կառավարութիւն մըն է, որ կը վերահաստատէ լիբանանցիներուն եւ անոնց ընդմէջէն միջազգային ընտանիքին վստահութիւնը:

Ան ընդգծեց, որ ինք կառչած կը մնայ 18 նախարարներէ բաղկացող կառավարութեան մը` մերժելով կառավարութեան կազմին թիւը 20-ի, 22-ի կամ 24-ի հասցնել:

Միւս կողմէ, Հարիրիին մօտիկ աղբիւրներ հաստատեցին, որ կառավարութեան կազմութեան հոլովոյթը սառած է եւ առկայ տագնապին ելք մը գտնելու առումով ոչ մէկ կարելիութիւն կայ:

Նոյն աղբիւրները նշեցին, որ ֆրանսական նախաձեռնութիւնը միակն է փրկելու Լիբանանը, պայմանով որ Ֆրանսայի նախագահ Էմանուէլ Մաքրոնի ճշդած չափանիշներուն նկատմամբ յանձնառութիւն ցուցաբերուի:

Անոնք շեշտեցին, որ կառավարութեան կազմութեան հոլովոյթը պէտք է արագացնել, որովհետեւ միջազգային ընտանիքը սկսած է դարձեալ հետաքրքրութիւն ցուցաբերել Լիբանանի օժանդակութեան առումով:

LEAVE A REPLY

Please enter your comment!
Please enter your name here