Հաղորդագրութիւն

0
267

Այսու պաշտօնապէս կը տեղեկացնենք, որ ՆՍՕՏՏ Արամ Ա. վեհափառ հայրապետին օրհնութեամբ, Թրիփոլիի եւ շրջակայից համար հոգեւոր տեսուչ կը նշանակենք Մեծի Տան Կիլիկիոյ կաթողիկոսութեան միաբաններէն գերապատիւ Տէր Փառէն ծ. վրդ. Վարդանեանը` իրեն վստահելով Ժիպէյլէն մինչեւ Թրիփոլի եւ շրջակայ աւաններուն մէջ ապրող մեր եկեղեցւոյ զաւակներուն հոգեւոր մատակարարման կարեւոր աշխատանքը:

Հայր սուրբը իր նոր առաքելութեան կը լծուի կիրակի, 7 մարտ 2021-ին:

Վստահ ենք, որ հայր սուրբը նուիրումով պիտի տանի իրեն վստահուած կարեւոր աշխատանքը եւ մօտէն գործակցելով շրջանի պատասխանատուներուն հետ, մեր ժողովուրդի զաւակներու հոգեւոր մատակարարման գործին  ընծայէ իր կարողութեանց լաւագոյնը:

Թեմիս Կրօնական ժողովին ու Ազգային վարչութեան կողմէ սրտովին յաջողութիւն կը մաղթենք հայր սուրբին` վստահ ըլլալով, որ անոր աշխատանքը նաեւ պիտի արժանանայ մեր ժողովուրդի գնահատանքին:

ԱԶԳԱՅԻՆ ԱՌԱՋՆՈՐԴԱՐԱՆ
ԼԻԲԱՆԱՆԻ ՀԱՅՈՑ ԹԵՄԻՆ

LEAVE A REPLY

Please enter your comment!
Please enter your name here