Ահազանգ

0
212

Նուարդ  Մատոյեան – Տարագճեան

Ո՞վ չի տագնապիր հայ ժողովուրդի ճակատագիրով:

Բախտորոշ ու ծանր այս օրերուն, որ յղի է անկանխատեսելի հետեւանքներով:

Փառատենչութեան մոլուցքը խաթարած է մարդոց ազգային գիտակցութիւնը:

Հայրենիքի փրկութեան կոչերով հայրենիքը կը հարուածենք, առանց գիտակցելու հայութեան սպառնացող վտանգին ահաւորութիւնը:

Հայրենի պետութիւնը կը վտանգենք ու կը նուաստացնենք,քաղաքակիրթ ազգերուն ոչ յարիր արարքներով:

Հայրենիքը պաշտպանողը իր զէնքերը կ՜ուղղէ թշնամիին դէմ, ոչ թէ սեփական ազգին դէմ:

Նպատակն ու պայքարը ազնիւ է, երբ կը բխի երկրի շահերէն:

Ճգնաժանային այս դրութեան մէջ թոյլ չտանք հանրութիւնը ներսէն պառակտելու, երկպառակութիւններ ստեղծելու:

Ազգին շահը վեր դասենք մեր անձնական շահերէն:

Որպէսզի Ես-ը իր տեղը զիջի Մենք-ին:

Երբ պիտի կարենանք հայ հոգիներէն վանել ատելութիւնը, որպէսզի կարենանք զիրար հասկնալ :

Որպէսզի բարութեամբ իրար նայինք, միանման մտածենք յանուն մեր ազգային

շահերուն:

Յանուն Հայոց պետականութեան կայունութեան:

Ողջմտութիւն կը թելադրեն ներկայ օրերը:

Հայրենիքը ամէն բանէ վեր…:

LEAVE A REPLY

Please enter your comment!
Please enter your name here