Հաղորդագրութիւն. Համազգայինի «Լիւսի Թիւթիւնճեան» Արուեստի Ֆոնտի Հիմնադրութիւն. Ցարդ Գոյացած Է 50.000 Տոլար

0
1152

Հովանաւորութեամբ Համազգայինի Կեդրոնական վարչութեան, նախաձեռնութեամբ «Լիւսի Թիւթիւնճեան» ցուցասրահի տնօրէնութեան եւ Թիւթիւնճեան ընտանիքին, ցուցասրահի բարերար Լիւսի Թիւթիւնճեանի յիշատակին հաստատուեցաւ Համազգայինի «Լիւսի Թիւթիւնճեան» արուեստի ֆոնտը:

Ֆոնտի յանձնախումբին մաս կը կազմեն Կեդրոնական վարչութեան ներկայացուցիչը, ցուցասրահի տնօրէնը եւ Թիւթիւնճեան ընտանիքէն երկու ներկայացուցիչներ: Հիմնադիր յանձնախումբին մաս կը կազմեն դոկտ. Սեպուհ Այնթէպլեան, Յակոբ Հաւաթեան, Սիլվա Թիւթիւնճեան-Էօրտեքեան եւ Քարլա Թիւթիւնճեան:

Ֆոնտը նախ եւ առաջ կը նպատակադրէ կերպարուեստի բնագաւառին մէջ արուեստասէր նորահաս սերունդի հետաքրքրութիւնները եւ տաղանդը զարգացնել` նպաստելով համապատասխան ձեռնարկներու կազմակերպման: Երկրորդ` քաջալերել երիտասարդներու աստիճանական մասնագիտացումը նոյն մարզին մէջ: Ֆոնտի եկամուտները կը կազմեն նուիրատուութիւններ, ինչպէս նաեւ` այլ նախաձեռնութիւններ:

Տարեկան իր ծրագիրներուն մէջ ֆոնտը նկատի պիտի ունենայ գեղանկարչական մրցանքներու, երիտասարդական ցուցահանդէսներու, մասթըր քլասներու կազմակերպում` հայրենի եւ այլ արուեստագէտներու մասնակցութեամբ, հայրենի երիտասարդ գեղանկարիչներու Լիբանանի մէջ հիւրընկալում, միջազգային երիտասարդական ցուցահանդէսներու նոր տաղանդներու մասնակցութեան հովանաւորութիւն, հայրենի եւ սփիւռքահայ երիտասարդ գեղանկարիչներու ծանօթացում, հովանաւորութիւն մանկապատանեկան հրատարակութիւններու հետ կապուած գեղարուեստական բաժինի պատրաստութեան, որ կը կատարուի երիտասարդ գեղանկարիչներու կողմէ:

Մշակուած ու հաստատուած է նաեւ ֆոնտին կանոնագրութիւնը:

Ցարդ կատարուած նուիրատուութիւններէն գոյացած է շուրջ 50.000 տոլար եւ 5 միլիոն լ.ո.:

Լիբանանէն դուրս, նուիրատուութիւնները կարելի է փոխանցել դրամատնային հետեւեալ հաշիւին.

Hamazkayin Comite Culturel Armenien
Bank Audi SAL
Acc Number: 260231 461002 019 48
Iban: LB55 0056 0000 0000 0026 0231 0048
Acc# 260231 461002 019 48
Swift code: AUDBLBBX

Լիբանանի մէջ նուիրատուութիւնները կարելի է կատարել  Համազգայինի «Լիւսի Թիւթիւնճեան» ցուցասրահ, «Շաղզոյեան» կեդրոն:

Հեռ. 01-241263

Ե-նամակ. [email protected]

ՀԱՄԱԶԳԱՅԻՆԻ «ԼԻՒՍԻ ԹԻՒԹԻՒՆՃԵԱՆ» ԱՐՈՒԵՍՏԻ ՖՈՆՏ

23 մարտ 2021

LEAVE A REPLY

Please enter your comment!
Please enter your name here