ՈՂՋՈՅՆ  ՀԱՅ ԺՈՂՈՎՈՒՐԴԻ ԾՈՑԷՆ   ԾՆԱԾ  ՀԱՅԿԱԿԱՆ  ԲԱՐԵԳՈՐԾԱԿԱՆ  ԸՆԴՀԱՆՈՒՐ ՄԻՈՒԹԵԱՆ

0
268

Հայ  ժողովուրդը այս  օրերուն հպարտութեամբ կը  նշէ  Հայկական Բարեգործական Ընդհանուր Միութեան  115-րդ տարեդարձը:

Հայկական Բարեգործական Ընդհանուր Միութիւնը իր ազգանուէր գործունէութիւնը  նախորդ դարուն սկիզբը սկսելով, 115 տարի շարունակ անփոխարինելի գործունէութիւն կը  ծաւալէ Սփիւռքի եւ հայրենիքի մէջ:

Հայկական Բարեգործական Ընդհանուր Միութիւնը անշահախնդիր մօտեցումով  ազգային  բարեգորործական բազմաթիւ եւ բազմատեսակ ծրագիրներ կ’իրագործէ ամենուրէք:

Հպարտ ենք մեր Մեծ միութեան 115-ամեայ  փայլուն  գործունէութեամբ: Այս առթիւ անգամ մը եւս կ’ուխտենք հաւատարիմ մնալ մեր հիմնադիրներուն՝ «Միութիւնը Զօրութիւն է» կարգախօսին:

Մեր մաղթանքն է, որ ՀԲԸՄ-ը  յաւերժ  շարունակէ  կատարել իր համազգային առաքելութիւնը:

Հպարտութիւն  ներշնչող այս  տարեդարձին առթիւ,  ՀԲԸՄ-ի նախագահին, ՀԲԸՄ-ի Լիբանանի Շրջանակային Յանձնաժողովի ատենապետին, ղեկավարութեան  եւ կառոյցի բոլոր անդամներուն կը մաղթենք  բեղուն աշխատանք, անսպառ եռանդ՝ յանուն  հայ  ժողովուրդի  լուսաւոր ապագայի, ի  փառս Սփիւռքի եւ հայրենիքի:

ՀԵԸ-Ի ԿԵԴՐՈՆԱԿԱՆ ՎԱՐՉՈՒԹԻՒՆ

LEAVE A REPLY

Please enter your comment!
Please enter your name here