Երեւանի Մէջ Վ. Օհանեան-Գէորգեան Պիտի Ներկայացնէ Նախագահ Աունը

0
322

Հանրապետութեան նախագահ զօր. Միշել Աուն երէկ ընդունեց Լիբանանի մէջ Հայաստանի դեսպան Վահագն Աթաբէկեանը, որմէ ստացաւ պաշտօնական հրաւէր մը` ներկայ գտնուելու 24 ապրիլ 2021-ին Հայաստանի մէջ տեղի ունենալիք Հայոց ցեղասպանութեան 106-ամեակի ոգեկոչման պաշտօնական ձեռնարկներուն:

Նախագահ Աուն շնորհակալութիւն յայտնեց դեսպան Աթաբէկեանին` անոր յայտնելով, որ յանձնարարած է երիտասարդութեան եւ մարմնակրթութեան նախարարի պաշտօնակատար Վարդինէ Օհանեան-Գէորգեանին` Երեւանի մէջ տեղի ունենալիք միջոցառումներուն մասնակցելու իբրեւ հանրապետութեան նախագահի յատուկ ներկայացուցիչ:

LEAVE A REPLY

Please enter your comment!
Please enter your name here