Ծերակուտական Մենենտես Կոչ Կ՛ուղղէ Միացեալ Նահանգներուն Ճնշում Գործադրելու Ազրպէյճանի Վրայ Գերիներու Վերադարձի Հարցով

0
152

Միացեալ Նահանգներու Ծերակոյտի միջազգային յարաբերութիւններու յանձնախումբին մէջ 15 ապրիլին դեսպան Վիքթորիա Նուլընտի Միացեալ Նահանգներու արտաքին գործոց նախարարի քաղաքական հարցերով տեղակալի պաշտօնին հաստատման լսումներուն ժամանակ Ծերակոյտի արտաքին յարաբերութիւններու յանձնախումբի նախագահ Պոպ Մենենտես բարձրացուցած է հայ ժողովուրդին, ներառեալ` հայ ռազմագերիներուն վերաբերող առանցքային հարցեր:

Մենենտես յայտարարած է, որ Միացեալ Նահանգներ պէտք է ճնշում գործադրեն Ազրպէյճանի վրայ, որպէսզի Ազրպէյճանը ազատ արձակէ ռազմագերիները:

Լսումներու ժամանակ ծերակուտական Մենենտես խօսած է նաեւ Միացեալ Նահանգներու կողմէ Արցախին տրամադրուող մարդասիրական օգնութեան կարեւորութեան եւ հրատապութեան, ինչպէս նաեւ Լեռնային Ղարաբաղի մէջ իրենց տուներէն տեղահանուած հայերուն համար անհրաժեշտ օգնութեան ապահովման կարեւորութեան մասին:

Վիքթորիա Նուլընտ իր կարգին լիովին համաձայնութիւն յայտնած է, որ Միացեալ Նահանգներ պարտաւոր են մարդասիրական օգնութիւն ցուցաբերել Արցախին, ներառեալ` ականազերծման աշխատանքներու իրականացումը, ինչպէս նաեւ ապահովել Հայաստանի ինքնիշխանութիւնն ու տարածքային ամբողջականութիւնը:

LEAVE A REPLY

Please enter your comment!
Please enter your name here