Ատրպէյճան, Թուրքիա Եւ Ռուսիա Հայ Գերիներու Հարցի Քննարկման Դէմ Քուէարկեցին ԵԽԽՎ-ի  ՆիստինԵւ Ռուսիա

0
358

ԳԵՐԻՆԵՐԸ ՀԵՌԱՁԱՅՆՈՎ ԿԱՊ ՀԱՍՏԱՏԵՑԻՆ ԻՐԵՆՑ ԸՆՏԱՆԻՔՆԵՐՈՒՆ ՀԵՏ

ԵՐԵՒԱՆ, «Փանորամա», «Նիուզ».- 19 Ապրիլին, Եւրոպայի խորհուրդի խորհրդարանական վեհաժողովին ընթացիկ հարցերու օրակարգին ընթացքին առաջարկուեցաւ քննարկել պարագան «Հայ ռազմագերիներու, այլ գերիներու եւ տեղահանուածներու», որուն համաձայնութիւն տուած էր ԵԽԽՎի Բիւրօն:

Սակայն ԵԽԽՎի մէջ Ատրպէյճանի պատուիրակութեան ղեկավար Սամատ Սէիտով դէմ հանդէս եկաւ քննարկման եւ պահանջեց քուէարկութիւն կատարել:

Սակայն, քուէարկութեան լոյսին տակ,  ձայներու մեծամասնութեամբ  հարցը ընդգրկուեցաւ օրակարգին վրայ՝ 93 թեր, 21 դէմ, 18 ձեռնպահ քուէներով:

Ըստ ԵԽԽՎի կայքին՝ քննարկման դէմ քուէարկեցին Ատրպէյճանի 6,  Թուրքիոյ 8, Ռուսիոյ 5, Հունգարիոյ 1 եւ  սերպիոյ 1 պատուիրակները:

Ռուսիոյ պատուիրակութեան 7 անդամներ ձեռնպահ քուէարկեցին: Ձեռնպահ ձայներուն մէջ են նաեւ Ուքրանիոյ 2 պատուիրակներ, իսկ մէկը թեր քուէարկեց:

Միւս կողմէ, Ատրպէյճանի մէջ գերի պահուած անձերուն կարելիութիւն տրուեցաւ հեռաձայնով կապ հաստատելու իրենց ընտանիքի անդամներուն հետ, հաստատեց Հայաստանի մէջ Կարմիր Խաչի միջազգային կոմիտէի հաղորդակցման ծրագիրներու ղեկավար Զառա Ամատունի:

LEAVE A REPLY

Please enter your comment!
Please enter your name here