ՀԱՄԱՅՆ   ՀԱՅ ԺՈՂՈՎՈՒՐԴԸ ԿԸ  ՊԱՅՔԱՐԻ ՀԱՅՈՑ  ՑԵՂԱՍՊԱՆՈՒԹԵԱՆ  ՄԻՋԱԶԳԱՅԻՆ  ՃԱՆԱՉՄԱՆ ԵՒ ՀԱՏՈՒՑՈՒՄՆԵՐՈՒՆ ՀԱՄԱՐ,ՊԱՐՈՆ  ՆԱԽԱԳԱՀ

0
292

ԱՀԱՐՈՆ ՇԽՐՏԸՄԵԱՆ

Հայաստանի  հանրապետութեան նախագահ տիար  Արմէն Սարգսեան նամակներ յղած է  Սփիւռքի կարգ մը   հայկական կազմակերպութիւններու ղեկավարներուն,ներկայացուցիչներուն՝ երախտագիտութիւն յայտնելով « Հայոց ցեղասպանութեան ճանաչման գործում ներդրած  աւանդի համար»:

Կասկածէ    վեր  է   Հայոց ցեղասպանութեան  միջազգային ճանաչման ճիգերուն  մէջ  մեծարգոյ  նախագահին  յիշատակած կառոյցներուն,  կազմակերպութիւններուն ներդրումն ու աւանդը՝ անցեալին, այսօր եւ ապագային:

Յարգանք՝  բոլորին:

Սակայն  Հայաստանի  հանրապետութեան  նախագահին  երախտագիտական նամակներուն ցանկը կը մնայ  թերի, ո’չ ամբողջական… պարզ այն  պատճառով, որ  միայն  նախագահին հասցէագրած  կառոյցները եւ   կազմակերպութիւնները  չեն, որ  օրն ի բուն կ’աշխատին ի  խնդիր՝  Հայոց  ցեղասպանութեան   ճանաչման ե’ւ  հատուցումներուն , այլ՝ սփիւռքի բոլոր  կառոյցները,  համայնքները,  քաղաքական եւ հասարակական կազմակերպութիւնները, անխտի’ր:

Նախագահը   իրաւունք չունէր  նման  հասցէատէրեր անուանելու, այլ պարտէր  ոչ մէկ  կազմակերպութեան անուն տալ,  գոհանար իր խօսքը  ուղղելով  բոլո’ր կազմակերպութիւններուն  ընդհանրական տարազով:

Հայոց ցեղասպանութեան  ճանաչման եւ հատուցումներու ճանապարհը  փշոտ է եւ  երկար: Անիկա    կը պահանջէ    հաւաքական եւ   միասնական աշխատանք:  Սփիւռքի  բոլոր  կառոյցները այդ գիտակցութեամբ եւ  համոզումով  կը  շարունակեն նահատակներուն ուխտած իրենց առաքելութիւնը: Այ’ս  համոզումով   կը գործեն Սփիւռքի  բոլոր  կառոյցները, ինչպէս նաեւ երկրագունդի  տարբեր ափերուն վրայ  ապրող եւ  շնչող  հայութեան բեկորները:

Հայրենքը, Արցախը, Սփիւռքը եւ համայն  հայ  ժողովուրդը միացնող գործօններու, քայլերու  ծառաւը կ’ապրի  յատկապէ’ս այս  օրերուն,

Երկրի  նախագահը ժողովուրդի  հայր կոչուած է ըլլալ:  Հայր  մը խտրութիւն  չի’ կրնար դնել իր զաւակներուն  միջեւ: Հայ  ժողովուրդը, մանաւանդ սփիւռքը  անցեալին շատ սուղ վճարած  է տեղի-անտեղի խտրութիւններուն գինը…: Վճռած ենք  չ’իյնալ  անցեալի  դառն եւ ցաւալի փորձութիւններուն մէջ:

Բոլորս կը հետապնդենք մէկ նպատակ  պարոն նախագահ՝  հայրենաշինութիւն, Հայոց  ցեղասպանութեան ճանաչում, հատուցում եւ հայապահպանութիւն: Ա’յս   Բոլորը  հաւաքական  եւ միասնական աշխատանքով:

LEAVE A REPLY

Please enter your comment!
Please enter your name here