Նոյնիսկ Թուրքիոյ Պաշտպանութեան Նախարարութիւնը Կը Գործածէ «Ցեղասպանութիւն» Եզրը

0
104

Լաթվիոյ խորհրդարանին կողմէ Հայոց Ցեղասպանութեան ճանաչումի բանաձեւին հակազդելով՝ Թուրքիոյ պաշտպանութեան նախարարութիւնը գործածեց երկրին մէջ արգիլուած «ցեղասպանութիւն» եզրը:

Նախարարութիւնը Twitter-ի վրայ կատարած յայտարարութեան մէջ գրած է հետեւեալը. «Կը մերժենք եւ չենք ընդունիր Լաթվիոյ խորհրդարանին ցեղասպանութեան առնչութեամբ որոշումը»:

Այս յայտարարութիւնը մեծ աղմուկ յառաջացուց թրքական հասարակութեան մէջ. շատեր իրենց զայրոյթը արտայայտեցին նախարարութեան պաշտօնական գրառումին տակ:

Թուրքիոյ պաշտօնական շրջանակները ընդհանրապէս կը գործածեն «1915-ի իրադարձութիւնները» կամ «այսպէս կոչուած ցեղասպանութիւնը» եզրերը, մերժելով Հայոց Ցեղասպանութեան պատմական ճշմարտութիւնը:

Նախարարութիւնը աւելի ուշ վերցուց աղմկայարոյց գրառումը։

LEAVE A REPLY

Please enter your comment!
Please enter your name here