Եւրոպական Խորհրդարանը Պահանջեց Բոլոր Հայ Գերիներուն Ազատ Արձակումը

0
263

ՊՐԻՒՔՍԷԼ.- Եւրոպական Խորհրդարանը 20 Մայիսին, 607 կողմ ձայներով ընդունեց բանաձեւ մը, որ կը պարհանջէ Ատրպէյճանէն՝ առանց որեւէ նախապայմանի ազատ արձակելու բոլոր հայ ռազմագերիները եւ գերի պահուող քաղաքացիները:

Բանաձեւը նաեւ կը դատապարտէ Ատրպէյճանի բռնարարքները, մշակութային կոթողներու քանդումները եւ սահմանաներու խախտումները։

Բանաձեւը ամբողջութեամբ կարդաու համար այցելել www.yerkir.am/news/view/238864.html կայքէջը։

Միւս կողմէ, 19 Մայիսին, Եւրոպական խորհրդարանը Թուրքիոյ վերաբերեալ իր զեկուցումին մէջ վերահաստատեց Հայոց Ցեղասպանութիւնը ճանչնալու իր կոչը, նոյն ժամանակ կոչ ընելով Անգարային, որ զերծ մնայ հակահայ քարոզչութենէ ու ատելութեան խօսքերէ եւ ամբողջութեամբ յարգելու հայկական մշակոյթը պաշտպանելու իր յանձնառութիւնները:

Զեկուցումին մէջ քանի մը անդրադարձ կը կատարուի նաեւ Արցախի տագնապին մէջ Թուրքիոյ բացասական դերին.

– Կը դատապարտուի այն փաստը, որ Թուրքիա զինուորական գործողութիւններուն վերջ դնելու եւ ԵԱՀԿի Մինսքի խմբակի համանախագահութեան տակ խաղաղ բանակցութիւններու վերսկսելու կոչեր ընելու փոխարէն, որոշեց անվերապահօրէն աջակցիլ Ատրպէյճանի զինուորական գործողութիւններուն:

– Կը դատապարտուի Սուրիայէն եւ այլ վայրերէն օտար զինեալներ տեղափոխելը Արցախ:

– Թուրքիոյ կառավարութեան կոչ կ՛ուղղուի՝ պաշտպանելու Թուրքիա ապրող ազգային եւ կրօնական փոքրամասնութիւններու, ներառեալ՝ հայկական ծագում ունեցող քաղաքացիներու եւ քրիստոնեաներու իրաւունքները ու անյապաղ ընդունելու խտրականութիւնը արգիլող համապարփակ օրէնսդրութիւն:

– Եւրոպական Միութեան եւ Եւրոպական Միութեան անդամ երկիրներուն կոչ կ՛ուղղուի՝ ուսումնասիրելու «Գորշ գայլեր» ծայրայեղական շարժումը՝ ահաբեկչական կազմակերպութիւններու Եւրոպական Միութեան ցանկին վռայ ներառելու կարելիութիւնը, նաեւ, ուշադրութեամբ հետեւելու անոնց գործունէութեան եւ հակազդելու անոնց հաւանական ազդեցութեան, որ սպառնալիք է յատկապէս հայկական, քրտական եւ յունական ծագում ունեցող քաղաքացիներուն եւ նշեալ կազմակերպութեան կողմէ այլախոհ նկատուող ոեւէ անձի համար:

LEAVE A REPLY

Please enter your comment!
Please enter your name here