Մաքրոն Ալիեւին Խորհուրդ Տուած Է ԵՈՒՆԵՍՔՕ-ի Առաքելութեան Արտօնել Արցախ Այցելել

0
95

ՊԱՔՈՒ, «ՌԻԱ Նովոսթի»․- Ֆրանսայի նախագահ Էմանուէլ Մաքրոն իր ատրպէյճանցի պաշտօնակից Իլհամ Ալիեւին ուղղուած նամակին մէջ խորհուրդ տուած է դիւրացնել ԵՈՒՆԵՍՔՕ-ի առաքելութեան Արցախ մուտքը, կը հաղորդէ Ատրպէյճանի նախագահի մամլոյ ծառայութիւնը:

«9 Նոյեմբեր 2020-ի եռակողմ յայտարարութեան ստորագրութենէն վեց ամիս ետք պէտք է շարունակել աշխատիլ կայուն խաղաղութեան պայմաններ ստեղծելու համար», իր նամակին մէջ կ՛ըսէ Մաքրոն:

Ֆրանսայի նախագահը մասնաւորաբար կ՛ակնկալէ, որ Հայաստանի եւ Ատրպէյճանի միջեւ խաղաղ սահմանագծում իրականացուի եւ գերիները ազատ արձակուին:

«Տարածաշրջանին ամբողջ ժառանգութեան պահպանումը՝ իր բազմազանութեամբ, շատ կարեւոր է: Այս առումով խորհուրդ պիտի տայի դիւրացնելու ԵՈՒՆԵՍՔՕ-ի առաջարկած առաքելութեան մուտքը», կ՛ըսուի Մաքրոնի նամակին մէջ:

Յիշեցնենք, որ ԵՈՒՆԵՍՔՕ-ն անցեալ տարուան Նոյեմբերին Հայաստանի եւ Ատրպէյճանի ներկայացուցիչներուն հետ հանդիպումներու ընթացքին առաջարկած էր փորձագիտական առաքելութիւն ուղարկել Արցախ` պաշտպանելու համար մշակութային ժառանգութեան կառոյցները, սակայն ցարդ Պաքու այդ այցելութեան օրը չէ որոշած:

LEAVE A REPLY

Please enter your comment!
Please enter your name here