Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ ՀԱՆԴԻՊՈՒՄՆԵՐԸ

0
132

Անցնող մի քանի օրերու ընթացքին Վեհափառ Հայրապետը հետեւեալ հանդիպումները ունեցաւ.-

1) Կաթողիկոսարան այցելեց մարոնիթ համայնքի քաղաքական ղեկավարներէն Սիմոն Քարամ: Ան Վեհափառ Հայրապետին ներկայացուց խումբ մը քրիստոնեայ քաղաքական դէմքերու կողմէ Լիբանանը յուզող հարցերու գծով իրենց տեսակէտները եւ ապա ուզեց իմանալ Վեհափառ Հայրապետին մօտեցումները:

2) Նորին Սրբութիւնը ընդունեց «Անկախ Լիբանանցիներու Խմբաւորում»ը ներկայացնող պատուիրակութիւնը՝ գլխաւորութեամբ Դոկտ. Թուֆիք Հինտիի: Պատուիրակութիւնը խնդրեց Վեհափառ Հայրապետէն Յուլիս 1-ին Վատիկանի մէջ տեղի ունենալիք քրիստոնեայ հոգեւոր պետերու ժողովին շեշտէ նոր կառավարութեան կազմութեան հրամայականը:

3) Վեհափառ Հայրապետին այցելեց Կաթողիկոսարանի հովանաւորութիւնը վայելող «Նարեկացի» մանկապատանեկան երգչախումբի վարիչ մարինը, գլխաւորութեամբ երգչախումբի ղեկավար Հոգշ. Տ. Զաւէն Վարդապետ Նաճարեանի: Նորին Սրբութիւնը ողջունեց համաճարակի պատճառով շրջան մը կանգ առած երգչախումբին աշխատանքներուն վերսկսումը:

LEAVE A REPLY

Please enter your comment!
Please enter your name here