Հայ Գերիներու Շուտափոյթ Վերադարձի Հարցը ԿԽՄԿի Ուշադրութեան Առարկայ Է

0
107

ԵՐԵՒԱՆ, «Արմէնփրէս».- Կարմիր Խաչի Միջազգային կոմիտէի (ԿԽՄԿ) նախագահ Փեթըր Մաուրեր պատասխանեց Հայաստանի Հանրապետութեան նախագահ Արմէն Սարգսեանի` Ատրպէյճանի կողմէ պահուող բոլոր հայ ռազմագերիներու եւ քաղաքացիներու շուտափոյթ վերադարձին վերաբերող նամակին:

Կարմիր Խաչի Միջազգային կոմիտէի նախագահը կը հաստատէ, որ Հայաստանի նախագահին կողմէ բարձրացուած հարցերը իր եւ իր ղեկավարած կազմակերպութեան ամբողջական ուշադրութեան առարկայ են։

Նշելով, որ 1992-էն ի վեր Կարմիր Խաչի Միջազգային կոմիտէն շարունակաբար գործուն ներկայութիւն եղած է տարածաշրջանին մէջ, Փ. Մաուրեր յատկապէս կը շեշտէ, որ Սեպտեմբեր 2020-ին սկսած ռազմական գործողութիւններու առաջին իսկ օրերէն, կազմակերպութիւնը հանդէս եկաւ մարդասիրական օգնութեամբ եւ իր պատրաստակամութիւնը յայտնեց հետագայ գործունէութիւն ծաւալել` միջազգային հանրութեան կողմէ ԿԽՄԿի տրամադրած մարդասիրական առաքելութեան ծիրին մէջ:

LEAVE A REPLY

Please enter your comment!
Please enter your name here