Ատրպէյճան «Պայրաքտար»ներ Տեղակայած Է Նախիջեւանի Մէջ

0
101

ԵՐԵՒԱՆ, «Ռազմինֆօ»․- 23 Յունիսին, Ատրպէյճանի պաշտպանութեան նախարարութիւնը լուսանկարներ հրապարակեց Նախիջեւանի առանձին համազօրային բանակին եւ Թուրքիոյ զինուած ուժերուն 21-23 Յունիսին իրականացուցած ռազմափորձերէն։ Նկարներուն միջոցաւ կարելի կը դառնայ տեսնել, որ Ատրպէյճան Bayraktar TB2 տեսակի անօդաչուներ տեղակայած է Նախիջեւանի վերջերս պաշտօնապէս բացուած ռազմական օդակայանին մէջ։

Ըստ նախարարութեան՝ ռազմափորձերուն ընթացքին Նախիջեւանի խորհրդարանի  նախագահ Վասիֆ Թալիպով հանդիպած է Թուրքիոյ մէջ Bayraktar-ներու դասընթացներու հետեւած ենթասպայական անձնակազմին հետ։

Դատելով բաց աղբիւրներու եւ արբանեակային լուսանկարներու վերլուծութենէն, Նախիջեւանի միջազգային օդակայանին կից տեղակայուած ռազմական օդակայանը արդէն իսկ կը շահագործուէր նախքան 2020-ի պատերազմը։

Նշենք, որ կառուցուած են ուղղաթիռներու եւ օդանաւերու պահպանման համար ութ սրահներ, կայանատեղիներ, օժանդակ շինութիւններ եւ վերակառուցուած է մէկ թռիչքուղի։

LEAVE A REPLY

Please enter your comment!
Please enter your name here