Հայաստան Կ՛ակնկալէ Գործընկերներուն Արձագանգը Պաքուի Ոտնահարումներուն Նկատմամբ. ՊՆ

0
72

ԵՐԵՒԱՆ, «Արմէնփրէս».- Հայաստանի պաշտպանութեան (ՊՆ) նախարարութեան պաշտպանական քաղաքականութեան եւ միջազգային համագործակցութեան գլխաւոր վարչութեան պետ Լեւոն Այվազեան 21 Յուլիսին ընդունեց Հայաստանի մօտ օտար դեսպանութիւններու հաւատարմագրուած ռազմական կցորդները:

Հանդիպումին ընթացքին ներկայացուեցաւ վերջին օրերուն հայ-ատրպէյճանական սահմանի, մասնաւորապէս` Երասխի հատուածին մէջ Ատրպէյճանի զինուած ուժերուն կողմէ ձեռնարկած սադրիչ գործողութիւններուն իբրեւ արդիւնք ստեղծուած իրավիճակը: Շեշտուեցաւ, որ Ատրպէյճանի ռազմաքաղաքական ղեկավարութեան կողմէ Հայաստանի Հանրապետութեան նկատմամբ տարածքային նկրտումներուն վերաբերեալ յարձակողական հռետորաբանութիւնը կը վտանգէ տարածաշրջանին մէջ երկարատեւ խաղաղութեան հաստատման ուղղուած ջանքերը:

«Նշուել է, որ հայկական կողմը, հաւատարիմ մնալով ստեղծուած իրավիճակի խաղաղ հանգուցալուծմանը, այնուամենայնիւ, իրաւունք է վերապահում ձեռնարկել բոլոր անհրաժեշտ միջոցները` նմանատիպ միջադէպերը կանխարգելելու եւ դրանց հակազդելու ուղղութեամբ:

Ընդգծուել է, որ Հայաստանն ակնկալում է միջազգային գործընկերների յստակ արձագանգը Ադրբեջանի կողմից միջազգային իրաւունքի նմանօրինակ ոտնահարումներին», դիտել կը տրուի այս առիթով հրապարակուած հաղորդագրութեան մէջ։

LEAVE A REPLY

Please enter your comment!
Please enter your name here