Հինգշաբթի, 17 Մարտ 2022-ին, Կաթողիկոսարանի Վեհարանին մէջ շուրջ երկու ժամ տեւողութեամբ հանդիպում մը տեղի ունեցաւ Ն.Ս.Օ.Տ.Տ. Արամ Ա. Վեհափառ Հայրապետին եւ Հայկական Բարեգործական Ընդհանուր Միութեան (Հ.Բ.Ը.Մ.) նախագահ Պերճ Սեդրակեանի միջեւ:
Հանդիպումը առիթ հանդիսացաւ լայնօրէն քննարկելու Հայաստանը, Արցախը եւ Սփիւռքը յուզող շարք մը հարցեր: Լուսարձակի տակ առնուեցան յատկապէս Սփիւռքի հետ աղերս ունեցող մտահոգութիւններ ու առաջադրութիւններ՝ Վեհափառ Հայրապետին կողմէ հռչակուած «Սփիւռքի Տարի»ին լոյսին տակ: