ՍՈՒՐԻԱ ՆԱՄԱԿ ԿԸ ՅՂԷ ԱՐԱԲԱԿԱՆ ԼԻԿԱՅԻՆ ԵՒ ՄԱԿ-ԻՆ

Սուրիոյ արտաքին գործոց նախարարութիւնը երկու նամակ ուղարկած է Արաբական Լիկայի եւ ՄԱԿ-ի գխաւոր քարտուղարներուն` Հոկտեմբեր 3-ին Հալէպի մէջ տեղի ունեցած խոշոր պայթումներուն վերաբերեալ:

Նախարարութիւնը տեղեկացուցած է, որ պայթումները տեղի ունեցած են մարդոց աշխատանքի մեկնելու ժամուն. մէկը` Սաատ Ալլահ ալ Ճապրի հրապարակին վրայ առաւօտեան 7:50-ին, երկրորդը` քաղաքապետարանի մօտակայքը, ուր մահապարտ-ահաբեկիչը պայթեցուցած է 500 քկ կշռող պայթուցիկ սարքը: Երրորդ պայթումը` 1000 քկ կշռող պայթուցիկ սարքով` պայթած է «Ամիր» հիւրանոցի մօտակայքը` Կեդրոնական դրամատան մօտ:

Տեղի ունեցած պայթումներուն հետեւանքով զոհուած է 34 մարդ, վիրաւորուած` 122, ներառեալ` քաղաքացիներ, զինուորականներ եւ երեք զինեալ: Պայթումները պատճառած են նիւթական մեծ վնասներ` աւերելով բնակելի շինութիւններ, պետական հաստատութիւններ, հիւրանոցներ, ինչպէս նաեւ 250 ինքնաշարժ:

Նախարարութիւնը հաստատած է, որ ահաբեկչութիւնը իրականացուցած է «Ալ Քայիտա»-ի ճիւղ կազմող «Նասրա» խմբաւորումը, որուն անդամները Սուրիոյ մէջ կ’իրականացնեն նմանատիպ ահաբեկչութիւններ եւ արտասահմանէն  կը ստանան նիւթական աջակցութիւն եւ զէնք: Նախարարութիւնը կոչ ուղղած է միջոցներ ձեռնարկելու ահաբեկչութեան դէմ պայքարելու համար:

Նշենք, որ Սուրիոյ մէջ աւելի քան 18 ամիս շարունակուող բախումներուն հետեւանքով` զոհուած է աւելի քան 30.000 մարդ, ներառեալ` երեք տասնեակէ աւելի սուրիահայ:

Կարդացէք նաև

«Սփիւռքի Տարեգիրք» Գիրքին Մէջ Ամփոփուած են ՀՀ-ի եւ Սփիւռքի Վերջին Տարիներու Բոլոր Իրադարձութիւնները
Սուրիոյ Զինուորական Կացութեան Մէջ Վտանգաւոր Մագլցում Մը. Խան Ասալի Մէջ Քիմիական Զէնք Օգտագործուեցաւ
ՆԱԽԱՐԱՐԱԿԱՆ ԾՐԱԳԻՐԸ ՅԱՌԱՋԻԿԱՅ ՇԱԲԹՈՒԱՆ ԸՆԹԱՑՔԻՆ ՊԱՏՐԱՍՏԵԼՈՒ ՅՈՅՍԵՐ
Կազմակերպութեամբ Ս. Հոգի Համալսարանին` «Հայոց Ցեղասպանութիւն. 100 Տարի… Ե՞տքը» Կարգախօսով Համագումար
Սուրիա – Հայաստան Խորհրդարանական Բարեկամութեան Յանձնախումբի Հանդիպում` Դեսպան Արշակ Փոլատեանի Հետ

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>