ԱԹԷՆՔԻ ԿԵԴՐՈՆԸ ՇՐՋԱՓԱԿՈՒԱԾ Է

 

Ապահովութեան խստագոյն միջոցներով եւ ինքնաշարժներու ու հանրակառքերու շրջագայութեան արգիլումներով յատկանշուած է Գերմանիոյ վարչապետ Անկելա ՄերքԷլի Աթէնք այցելութիւնը: Այսօր առաւօտեան ժամը 11:00-էն մինչեւ երեկոյեան ժամը 16:00 փակ մնացին մեթրոյի վեց կայարաններ: Այս մասին կը յայտնէ Յունաստանի «Ազատ Օր» օրաթերթը:

Ինչ կը վերաբերի Անկելա Մերքէլի այցելութեան ծրագրին, ան հանդիպում ունեցաւ վարչապետ Անտոնիս Սամարասի, ապա կէսօրէ ետք ժամը 16:45-ին Յունաստանի նախագահ Գարոլոս Փափուլիասի հետ:

Մերքէլի այցելութեան դէմ բողոքի ցոյցեր տեղի պիտի ունենան Աթէնքի երկու կեդրոնական հրապարակներուն վրայ: Ժամը 12:00-էն մինչեւ 15:00, հանրային սպասարկութեանց բոլոր պաշտօնեաները կատարեցին գործադուլ:

Ոստիկանութեան ձեռք առած ապահովական խստագոյն միջոցները բուռն կերպով կը քննադատուին քաղաքացիներուն կողմէ: Երէկ, «Անանուն»ներու խմբակցութեան կողմէ համակարգչային յարձակումի ենթարկուեցան Յունաստանի պետական հաստատութեանց կարգ մը կայքէջեր, անոնց շարքին նաեւ Քաղաքացիի պաշտպանութեան նախարարութեան կայքէջը, որպէս բողոք ոստիկանութեան որդեգրած ապահովութեան միջոցներուն, որոնք կը միտին սահմանափակել բողոքի ցոյցերը:

Կարդացէք նաև

ՆԱԽԱԳԱՀ ՀՈԼԱՆՏ ԿԸ ՊԱՏՐԱՍՏԷ ՀԱՅՈՑ ՑԵՂԱՍՊԱՆՈՒԹԵԱՆ ԺԽՏՈՒՄԸ ՔՐԷԱԿԱՆԱՑՆՈՂ ՆՈՐ ՕՐԻՆԱԳԻԾ ՄԸ
Հայոց Ցեղասպանութեան Վերջնական Ճանաչումն Ու Դատապարտումը Հայութեան Առջեւ Ծառացած Կարեւորագոյն Խնդիրն...
Ելեկտրականութեան Սակի Բարձրացման Դէմ Պայքարող Քաղաքացիներուն Յայտարարութիւնը
Արամ Արք. Աթէշեան Խօսած է Վանի Պատարագը Չեղեալ Յայտարարելու Դրդապատճառներուն Մասին
ՀԲԸՄ-Ի ՀԱՅ ԵՐԻՏԱՍԱՐԴԱԿԱՆ ԸՆԿԵՐԱԿՑՈՒԹԻՒՆԸ ՆՈՒԻՐՈՒՄԻ ԵՒ ԾԱՌԱՅՈՒԹԵԱՆ ՎԵՐԱՆՈՐՈԳ ՈՒԽՏՈՎ ԵԶՐԱՓԱԿԵՑ Տ...

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button