Դեսպան Մկրտչյանը հանդիպել է Լիբանանի առևտրի, արդյունաբերության և գյուղատնտեսության պալատների ֆեդերացիայի նախագահի հետ

ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: Հոկտեմբերի 11-ին Լիբանանում ՀՀ դեսպան Սամվել Մկրտչյանը հանդիպել է Լիբանանի առևտրի, արդյունաբերության և գյուղատնտեսության պալատների ֆեդերացիայի նախագահ Մոհամեդ Շուքեյրի հետ։

Ինչպես «Արմենպրես»-ին տեղեկացրին ՀՀ արտգործնախարարության մամուլի, տեղեկատվության և հասարակայնության հետ կապի վարչությունից, հանդիպմանը քննարկվել են Հայաստանի և Լիբանանի առևտրատնտեսական հարաբերությունների խթանման հնարավորությունները:

Մոհամեդ Շուքեյրին ներկայացվել են Հայաստանի ներդրումային միջավայրը, գործարարությանն առնչվող օրենսդրական կանոնակարգումները, հարկային և մաքսային համակարգն ու արտոնությունները: Հատուկ անդրադարձ է կատարվել ԵԱՏՄ տնտեսական ընդհանուր տարածքին, Իրանի հետ հիմնվելիք ազատ առևտրի գոտուն:

Երկու երկրների գործարարների անմիջական կապերի խրախուսման նպատակով կողմերը նպատակահարմար են համարել բիզնես ֆորումների կազմակերպումն ու պատվիրակությունների փոխայցելությունները:

http://armenpress.am/arm/news/908574/

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button