Հայաստանը «նորարարական նվաճում արձանագրող» երկրների խմբում է

ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ: ՄԱԿ-ում ՀՀ մշտական ներկայացուցիչ Զոհրաբ Մնացականյանը մասնակցել է «Գլոբալ նորարարության ինդեքս 2017թ.» կլոր սեղան-քննարկմանը, որը կազմակերպվել էր Մտավոր սեփականության համաշխարհային կազմակերպության, INSEAD գործարարության դպրոցի և Քորնել համալսարանի կողմից՝ Նյու Յորքում։

Ինչպես «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության եւ հասարակայնության հետ կապի վարչությունից, նորարության ոլորտի առաջատար փորձագետների, ակադեմիական շրջանակների, ՄԱԿ-ի անդամ-երկրների ներկայացուցիչների մասնակցությամբ կայացած միջոցառմանը քննարկվել են նորարարության դերը՝ տնտեսական աճ և կայուն զարգացում խթանելու առումով, 2017թ․ վարկանիշավորման արդյունքներն ու մեթոդաբանությունը։

Հայաստանի օրինակով արձանագրվել է, որ նորարարությունը չի սահմանափակվում տնտեսության ոլորտում աշխարհի առաջատար երկրներով։ «Գլոբալ նորարարության ինդեքս 2017թ.» վարկանիշավորման համաձայն, Հայաստանն ընդգրկվում է «նորարարական նվաճում արձանագրող» երկրների խմբում, որտեղ ներկայացված է թվով 17 զարգացող երկիր՝ նորարարության արդյունավետության և կատարողականի բարձր ցուցանիշներով։

«Գլոբալ նորարարության ինդեքս» զեկույցը վարկանիշավորում է երկրների տնտեսությունների նորարարական ներուժը։ «Գլոբալ նորարարության ինդեքս 2017թ» վարկանիշը կազմվել է 81 չափորոշիչների հիման վրա՝ 127 երկրների տնտեսությունների համար (աշխարհի բնակչության 92.5%-ը և համաշխարհային ՀՆԱ-ի 97.6%-ը)։

http://armenpress.am/arm/news/908667/

Կարդացէք նաև

Արցախի բնակչության անվտանգությունն ամեն ինչից վեր է. Շարմազանովի ելույթը ՀԱՊԿ նիստին
Րաֆֆի-Ֆիլիպ Կալֆայան. Փերինչեքի վերջնական վճռով հայերն ինչ-որ իմաստով հաղթանակ գրանցեցին Եվրոպական դ...
Նրա կողքին ոչ ոք չէր էլ կարող մտածել նահանջելու մասին. հերոս Մերուժան Ստեփանյանի ծննդյան օրն է
Լոնդոնում ահաբեկչության հետևանքով կա երկու զոհ. վիրավորների թիվը ճշտվում է
ՌԴ-ում արգելել են ադրբեջանցիների նկարահանած հակահայկական ֆիլմի ցուցադրությունը

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button