Կը Մեկնարկէ Սրտաբաններու Եւրոկովկասեան 6-րդ Համաժողովը

Ուրբաթ,  13 Հոկտեմբեր, ժամը` 09:00-ին, ՀՀ սփիւռքի նախարարութեան, ՀՀ առողջապահութեան նախարարութեան եւ «Ակցիա Առողջութիւն Հայաստան-Ֆրանսա» կազմակերպութեան նախաձեռնութեամբ պիտի մեկնարկէ «Սրտաբանութեան եւրոկովկասեան 6-րդ համաժողովը» (Euro-Caucasian Congress of Cardiology), որուն պիտի մասնակցին 38 օտարազգի եւ սփիւռքահայ անուանի սրտաբաններ` Ֆրանսայէն, Մոնաքոյէն, Մեծ Բրիտանիայէն, Լիբանանէն, Ռուսաստանէն, Ղազախստանէն, Իրանէն, Իտալիայէն: Շուրջ 250 սրտաբաններ Հայաստանէն եւ Արցախէն պիտի մասնակցին համաժողովի ծիրէն ներս կազմակերպուող դասախօսութւիններուն:

Ողջոյնի խօսքով հանդէս կու գան ՀՀ սփիւռքի նախարար Հրանոյշ Յակոբեան եւ ՀՀ առողջապահութեան նախարար Լեւոն Ալթունեան, յայտնի սրտաբաններ Փոլ Բարրագան, Աւետիս Մատիկեան, Ալէք Վահանեան:

Համաժողովին նպատակն է նպաստել սրտաբանութեան ոլորտի զարգացման, աշխարհի հայ սրտաբաններու ներուժի համախմբման, Հայաստանի Հանրապետութեան, Սփիւռքի եւ Արցախի սրտաբաններու համագործակցութեան, մասնագիտական որակներու բարձրացման, կատարելագործման եւ անոնց միջեւ փորձի փոխանակման:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button