Սարգսեան-Ալիեւ Հանդիպման Բովանդակութիւնը Ակնյայտօրէն Պաքուին Ձեռնտու Չէ. Շ. Քոչարեան

ԵՐԵՒԱՆ.- «Հայաստանի եւ Ատրպէյճանի նախագահներու հանդիպման ժամկէտներուն մասին յստակ տեղեկութիւն չկայ. եթէ ըլլայ՝ պիտի յայտարարուի», ըստ «Արմէնփրէս»ի՝ կառավարութեան 12 Հոկտեմբերի նիստէն ետք, լրագրողներու հետ զրոյցի մը ընթացքին ըսած է Հայաստանի արտաքին գործոց փոխնախարար Շաւարշ Քոչարեան:

«Ակնյայտօրէն այդ հանդիպման բովանդակութիւնը Պաքուին ձեռնտու չէ: Այդ տեսանկիւնէն դիտած՝ պատահական չէ Ալիեւի սադրիչ յայտարարութիւնը, երբ կը փորձէ խեղաթիւրել բովանդակութիւնն ու այլ բան ներկայացնել: Բայց, չեմ կարծեր, որ ինք կարենայ խուսափիլ այդ հանդիպումէն», ըսած է Շաւարշ Քոչարեան:

Հանդիպման կազմակերպման կողմերուն պատրաստակամութեան մասին յայտարարած են ԵԱՀԿ Մինսկի խումբի համանախագահները, առանց յստակ ժամկէտ յայտարարելու:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button