Աշխարհում սովյալների թիվը հասել Է 815 միլիոնի. ՄԱԿ

ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Մոլորակի սովահար բնակիչների թիվը հասել Է 815 միլիոնի, որոնց 60 տոկոսն ապրում Է զինված հակամարտությունների գոտիներում: Այդ մասին, ինչպես տեղեկացնում Է «Արմենպրես»-ը, հոկտեմբերի 12-ին հայտնել Է ՄԱԿ-ի գլխավոր քարտուղար Անտոնիու Գուտերիշը՝ ելույթ ունենալով համաշխարհային կազմակերպության Անվտանգության խորհրդի նիստում:

Նրա խոսքով՝ ՄԱԿ-ի Համաշխարհային պարենային ծրագրի միջոցների մոտավորապես 80 տոկոսն օգտագործվում Է այն մարդկանց օգնելու համար, որոնք գտնվում են մարտական գործողությունների գոտիներում: «Սովից տառապող 815 մլն մարդկանց մոտավորապես 60 տոկոսն ապրում Է հակամարտությունների պայմաններում:

Զարգացման խանգարումներ ունեցող երեխաների երեք քառորդն ապրում Է հակամարտությունների ասպարեզի վերածված երկրներում: Այնքան ժամանակ, քանի դեռ չի հաջողվել կարգավորել այդ հակամարտությունները եւ չի գործարկվել պետությունների զարգացման գործընթացը, համայնքներն ու ամբողջ տարածաշրջաններ կշարունակեն մնալ սովի ու տառապանքների ճիրաններում»,-ասել Է համաշխարհային կազմակերպության վարչական ղեկավարը: Նա հանգամանորեն կանգ Է առել Եմենի, Նիգերիայի հյուսիս-արեւելքի, Սոմալիի եւ Հարավային Սուդանի իրադրության վրա, հիշեցնելով, որ ինն ամիս առաջ այդ երկրներում զանգվածային սովի սպառնալիքին բախվել Է շուրջ 20 մլն մարդ, հաղորդել Է ՏԱՍՍ գործակալությունը:

http://armenpress.am/arm/news/908778/

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button