«Լեռնային Ղարաբաղի Հարցին Մէջ Մենք Պիտի Շարունակենք Աջակցիլ ԵԱՀԿ-ի Մինսքի Խմբակի Համանախագահներու Աշխատանքին» Կ՛ըսէ ԵԱՀԿ-ի Նոր Նախագահը

0
14

ԵԱՀԿ-ը պիտի շարունակէ աջակցիլ ղարաբաղեան հիմնահարցի լուծման համար Մինսքի խմբակի համանախագահներու աշխատանքին: Այս մասին Վիեննայի մէջ ԵԱՀԿ-ի մնայուն խորհուրդին մէջ յայտարարած է ԵԱՀԿ-ի նոր գործող նախագահ, Իտալիոյ արտաքին գործոց նախարար Անճելինօ Ալֆանօ` ներկայացնելով 2018-ին ԵԱՀԿ-ի նախագահութեան ծիրին մէջ իր երկրին առաջնահերթութիւնները:

«Ինչ կը վերաբերի Լեռնային Ղարաբաղին, մենք պիտի շարունակենք աջակցիլ ԵԱՀԿ-ի Մինսքի խմբակի համանախագահներու աշխատանքին` տագնապի լուծման ծիրին մէջ», ըսած է ԵԱՀԿ-ի նախագահը:

Ալֆանօ նշած է, որ ԵԱՀԿ-ի չլուծուած տագնապներուն վերաբերեալ դիրքորոշումը պիտի մնայ անփոփոխ, եւ այդ հարցերը պիտի մնան կազմակերպութեան ուշադրութեան կեդրոնը:

«Ձգձգուած» տագնապներու լուծումը պիտի շարունակէ մնալ կազմակերպութեան ուշադրութեան կեդրոնը», ըսած է ան:

Նշենք, որ այս տարուան 1 յունուարէն ԵԱՀԿ-ին կը նախագահէ Իտալիան:

LEAVE A REPLY

Please enter your comment!
Please enter your name here