Արցախի Եւ Ատրպէյճանի Հակամարտ Զօրքերու Շփման Գօտիին Վրայ Կրկին Նկատուած Են Հակառակորդի Ուժի Կուտակումներ Եւ Տեղաշարժներ

0
47

Արցախի պաշտպանութեան նախարարութիւնը յայտարարեց, որ Արցախի եւ Ատրպէյճանի հակամարտ զօրքերու շփման գօտիին վրայ կրկին նկատուած են հակառակորդի մարտական արհեստագիտութեան եւ կենդանի ուժի կուտակումներ ու տեղաշարժեր:

«Արցախա-ատրպէյճանական հակամարտ զօրքերու շփման գօտիին վրայ, ի տարբերութիւն հանգստեան օրերուն հաստատուած յարաբերական հանգիստ իրադրութեան՝ 30 Ապրիլէն սկսած առաջնագիծին վրայ կրկին նկատուած են հակառակորդի զինթեքնիքայի եւ կենդանի ուժի կուտակումներ ու տեղաշարժեր, որոնք շարունակուած են նաեւ այսօր: Պաշտպանութեան բանակի առաջապահ ուժերը աչալուրջօրէն կը հետեւին առաջնագիծին վրայ տեղ գտնող զարգացումներուն եւ իրավիճակը կը պահեն լիակատար վերահսկողութեան ներքեւ», «Արմէնփրէս»ի տեղեկացուցած են Արցախի Հանրապետութեան պաշտպանութեան նախարարութեան մամուլի ծառայութենէն:

LEAVE A REPLY

Please enter your comment!
Please enter your name here