Արմեն Ռուստամյանը չի բացառում Աղվան Վարդանյանին ՀՅԴ-ից հեռացնելու հավանականությունը

0
43

ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Ազգային ժողովի ՀՅԴ խմբակցության ղեկավար Արմեն Ռուստամյանը չի բացառում, որ Աղվան Վարդանյանը պատգամավորական մանդատը վայր դնելուց հետո հեռացվի նաև կուսակցությունից: Ազգային ժողովում լրագրողների հետ զրույցում Արմեն Ռուստամյանն ընդգծեց, որ «ՀՅԴ-ի հետ ոչ ոք չի կարող խաղեր տալ»՝ ընդգծելով, որ նա արդեն վայր է դրել պատգամավորական մանդատը: «Պատգամավորը իրավունք ունի առաջնորդվել իր համոզմունքներով, սակայն սա Դաշնակցությունն է, որի հետ ոչ ոք չի կարող խաղեր տալ: Մենք արտահայտել ենք մեր քաղաքական դիրքորոշումը, որ նա պետք է վայր դնի իր մանդատը կուսակցության որոշմանը դեմ գնալու համար, և նա արդեն վայր է դրել մանդատը»,- «Արմենպրես»ի հաղորդմամբ՝ նշեց Ռուստամյանը:

Անդրադառնալով մայիսի 8-ին վարչապետի ընտրությանն աջակցելու ՀՀԿ-ի որոշմանը՝ Արմեն Ռուստամյանն ասաց, որ ամենագլխավորն այն էր, որ հարկավոր էր օր առաջ ընկալել, հասկանալ, որ սա իսկապես ժողովրդային պոռթկում է, և ժողովուրդն էր կանգնած բոլոր պահանջների հետևում, իսկ ժողովրդի իշխանությունը ոչ ոք յուրացնելու իրավունք չունի: «Մենք անցյալի դառը դասեր ունենք, երբ մեծ ոգևորությամբ ձեռք ենք բերում ժողովրդի իշխանություն, հետո այդ ամենը սկսում է մսխվել: Մենք դա չպիտի թույլ տանք, այս զարթոնքը պետք է պահպանել, այդ ներուժը մեծ էներգիայի վերածել և հզորացնել Հայաստանը»,- ընդգծեց Աղվան Վարդանյանը:

http://armenpress.am/arm/news/932250/

LEAVE A REPLY

Please enter your comment!
Please enter your name here