Արցախի Նախագահը Առաջնագիծին Վրայ Ծանօթացաւ Իրավիճակին

0
76

ՍՏԵՓԱՆԱԿԵՐՏ.- Արցախի Հանրապետութեան նախագահ Բակօ Սահակեան, պաշտպանութեան նախարար, Պաշտպանութեան բանակի հրամանատար, զօրավար-հրամանատար Լեւոն Մնացականեանի ուղեկցութեամբ, 3 Մայիսին այցելեց բանակային առաջնագիծ, տեղւոյն վրայ ծանօթացաւ գործնական-մարտավարական իրավիճակին, հակառակորդի հաւանական ոտնձգութիւնները կանխելու ուղղութեամբ իրականացած եւ շարունակուող աշխատանքներուն: Այս մասին կը հաղորդեն Արցախի պաշտպանութեան նախարարութեան մամլոյ ծառայութենէն:

Զինուորականները նախագահին զեկուցեցին եւ հաւաստիացուցին, որ իրավիճակը լիովին կը գտնուի մեր ուժերու վերահսկողութեան տակ եւ արկածախնդրութեան դիմելու պարագային՝ հակառակորդը դարձեալ առիթ պիտի ունենայ համոզուելու իր ծրագիրներու անհեռանկարային ըլլալով:

Շրջայցի աւարտին, Արցախի Հանրապետութեան նախագահը խնդիրներ առաջադրեց ներկաներուն եւ նշեց, որ այսուհետեւ եւս ծառայութիւնը առաջնագիծին վրայ պէտք է կազմակերպել՝ հաշուի առնելով գոյութիւն ունեցող իրողութիւններն ու հաւանական զարգացումները:

LEAVE A REPLY

Please enter your comment!
Please enter your name here