Մխիթար Հայրապետեանի Առաջարկը Պիտի Յանգեցնէ Սփիւռքի Յաւելեալ Ներգրաւումը ՀՀ Պետական Կեանքին Մէջ. Շահան Գանտահարեան

0
48

«Երկպալատ խորհրդարանի կամ աւելի ճիշդ` Սփիւռքի ներկայացուցիչներու` Հայաստանի պետական գործընթացներուն իրաւական մասնակցութեան անհրաժեշտութեան հարցը բարձրացուցած եմ Համազգային խորհուրդի ձեւաւորման յատկացուած քննարկումերու ընթացքին:

Աւելցնեմ, որ Համազգային խորհուրդի ձեւաւորման ընթացքին անպայման պէտք է նկատի ունենալ նաեւ համահայկական այն կառոյցներու փորձը, որ տարիներու ընթացքին աշխատած է. Հայաստան համահայկական հիմնադրամ, Հայոց ցեղասպանութեան 100-րդ տարելիցի պետական յանձնաժողով, ինչպէս նաեւ Սփիւռքի նախարարութեան նախաձեռնած մասնագիտական կառոյցներու համաժողովները»,- «Հայերն այսօր»-ի հետ զրոյցին ըսաւ Լիբանանի «Ազդակ» օրաթերթի գլխաւոր խմբագիր Շահան Գանտահարեան` անդրադառնալով ՀՀ սփիւռքի նախարար Մխիթար Հայրապետեանի  երկպալատ խորհրդարան ստեղծելու գաղափարին:

«Կը կարծեմ` այժմ պէտք է սկսին քննարկումներ` ճշդելու Սփիւռքի իրաւական մասնակցութեան ձեւաչափերն ու կառուցակարգերը: Երկպալատ խորհրդարանը հեռանկարային առաջադրանք է, որուն մասին կարելի է ծաւալել քննարկումներ, որուն ընթացքին կարեւոր է նկատի ունենալ Սփիւռք ունեցող երկիրներու փորձն ու դրոյթները: Կը կարծեմ` նախարարութիւնն ունի այդ ուղղութեամբ կատարուած համեմատական սփիւռքագիտութեան ուսումնասիրութիւններ, որոնք կարելի է ուսումնասիրել:

Պետականութեան շարունակականութիւնը կ՛ենթադրէ կուտակուած փորձը ու հետազօտութիւնները նկատի ունենալը, որ կը կարծեմ շատ օգտակար է: Միանգամայն կողմ եմ առաջարկին, որ պիտի յանգեցնէ Սփիւռքի յաւելեալ ներգրաւումը ՀՀ պետական կեանքին մէջ»,-նշած է Շահան Գանտահարեան:

LEAVE A REPLY

Please enter your comment!
Please enter your name here