Ստեփանակերտ-Շուշի Ճոպանուղիի Նախագծային Աշխատանքը Իր Աւարտին Կը Հասնի

0
99

ՍՏԵՓԱՆԱԿԵՐՏ.- Չորեքշաբթի, 16 Մայիսին, 2017-ի պետական պիւտճէի կատարման հաշուետուութեան քննարկումներուն ընթացքքին, պետական նախարար Արայիկ Յարութիւնեան յայտնեց, որ 2016-էն ի վեր, Արցախի Հանրապետութեան կառավարութեան կողմէ քննարկուող Ստեփանակերտ-Շուշի ճոպանուղիի կառուցման ծրագիրի նախագծային աշխատանքը իր աւարտին հասած է:

«Համոզուած եմ, որ այդ ծրագիրը կեանքի է կոչուելու: Ստեփանակերտ-Շուշի ճոպանուղին հանդիսանելու է ոչ միայն որպէս տրանսպորտ (թոխադրութիւն-Խմբ.), այլ զբօսաշրջութեան խթանման համար լուրջ գործօն», յայտնեց Յարութիւնեան՝ նախագիծը Ազգային ժողովին ներկայացնելու ընթացքին եւ նշեց, որ ճոպանուղիի կառուցման զուգահեռ, Շուշիի մէջ կը նախատեսուի ունենալ նաեւ հանգիստի գօտի:

LEAVE A REPLY

Please enter your comment!
Please enter your name here