«Արի տուն» ծրագրի մեկնարկի հավանական ժամկետը օգոստոսի 9-10-ն է

0
30

ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: ՀՀ սփյուռքի նախարար Մխիթար Հայրապետյանը նախանշեց «Արի տուն» ծրագրի մեկնարկի հավանական ժամկետը՝ օգոստոսի 9-10-ը: «Արմենպրես»ի հաղորդմամբ՝ նախարարն այս մասին ասաց լրագրողների հետ ճեպազրույցում:

«Արի տուն» ծրագրի մեկնարկի ժամկետն ավելի կոնկրետ կհայտարարենք հունիսի 13-ին, բայց ամենայն հավանականությամբ այն կլինի օգոստոսի 9-10-ին: «Արի տուն»-ը  և մյուս ծրագրերը նախարարության մեր թիմի աշխատանքի ընթացքում արդյունավետ են լինելու: Բոլոր այն ծրագրերը, որոնք մենք չենք կասեցրել և իրականացնում ենք, լինելու են նպատակաուղղված կոնկրետ արդյունքի»,-ասաց Հայրապետյանը:

Նրա կարծիքով՝ ծրագրի բուն նպատակը ոչ այնքան հայրենադարձությունն է, որքան երիտասարդների՝ հայրենիքի հետ կապի ուժեղացումը: Դա ևս մեկ քայլ է Հայաստանի հետ կապն ամրապնդելու համար: Շատերը նախկինում երբևէ չեն եղել հայրենիքում: «Բացի այդ, ծրագրի մեջ մտցված է կրթական բաղադրիչ՝ լեզվի, պատմության դասընթացներ, մշակութային ժառանգությանը ծանոթացում, ճանաչողական այցեր»,-ասաց նախարարն ու հավելեց, որ պատրաստվում են դրանք լիովին իրագործել:

Ավելի վաղ՝ հունիսի 5-ի ասուլիսին նախարար Հայրապետյանը հայտարարել էր «Արի տուն», «Իմ Հայաստան» և «Սփյուռք» ամառային դպրոց» ծրագրերը ժամանակավորապես հետաձգելու մասին: Նախարարը հավաստիացրել էր, որ դրանք կմեկնարկեն բովանդակային առումով ավելի հարստացված ու վերանայված:

http://armenpress.am/arm/news/937133/

LEAVE A REPLY

Please enter your comment!
Please enter your name here