ԱՐՍԵՆԱԼ-ԼԻՎԸՐՓՈՒԼ
ՉԵԼՍԻ – ԹՈԹԵՆՀԱՄ
Անգլիոյ Գարապաօ բաժակի (նախապէս՝ Լիկ Գափ, քառորդ աւարտականի մրցումներուն, Լիվըրփուլ՝ Էնֆիլտ Ռոտ մարզադաշտին մէջ ընդունեց Լեսթըր Սիթին: «Կարմիրներ»ը դաշտ ներկայացան համեմատաբար երիտասարդ մարզիկներով: Հակառակ այն իրողութեան, որ Լեսթըր Սիթի կը վայելէր՝ 2-0, 3-1 առաւելութիւն մը, Լիվըրփուլ յաջողեցաւ ՝3-3 հաւասարութեամբ աւարտել ճակատումը եւ փենալթի հարուածներով՝ 5-4 արդիւնքով պարտութեան մատնեց «Աղուեսներ»ը:
Լոնտոնի մէջ, Չելսի՝ 2-0 արդիւնքով պարտութեան մատնեց Պրենթֆորտը, իսկ Թոթենհամ՝ 2-1 Ուեսթա Համ Եունայթըտին:
Լիվըրփուլ վերջին անգամ 2012-ին շահած է Գարապաօ բաժակը:
Կիսաւարտական մրցումներուն Արսենալ պիտի ճակատի Լիվըրփուլի դէմ, իսկ Չելսի՝ Թոթենհամին: Կիսաւարտականի մրցումները պիտի կայանան երթուդարձի դրութեամբ, 3 յունուար 2022-էն սկսեալ: Աւարտական մրցումը պիտի կայանայ 27 փետրուարին, Ուեմպլի մարզադաշտին մէջ:
Չելսիի հանդիպումը Թոթենհամի դէմ պիտի ըլլայ 2015-ի աւարտականին կրկնութիւնը, ուր Չելսի՝ 2-0 պարտութեան մատնելով իր մրցակիցը շահեցաւ բաժակը: