Տնտեսութեան եւ առեւտուրի նախարարութեան որոշումով, կապոց մը լիբանանեան հացին սակը 9500 լիբ. ոսկիի բարձրացաւ:
Նշենք, որ նախարարութեան որոշումով, 1200 կրամ լիբանանեան հացին կապը կ՛արժէ 9000 լիբ. ոսկի, 810 կրամ լիբանանեան հացին կապոցը՝ 6500 լ. ոսկի, իսկ 380 կրամ կապոցը փուռէն գնուելու պարագային՝ 4500 լիբ. ոսկի:
Իսկ եթէ հացը խանութներէն պիտի գնուի, ապա 1200 կրամ լիբանանեան հացի կապը կ՛արժէ 9500 լ. ոսկի, 810 կրամ լիբանանեան հացի կապը՝ 7000 լ. ոսկի, իսկ 380 կրամ լիբանանեան հացի կապը՝ 5000 լ. ոսկի: