Թուրքիոյ արտաքին գործոց նախարար Մեւլութ Չաւուշօղլու «Հապեր Կլոպըլ» օրաթերթին հետ հարցազրոյցի մը ընթացքին յայտնեց. «Արեւմուտքի եւ ՕԹԱՆ-ի մէջ կան պետութիւններ, որոնք Ուքրանիոյ տագնապին աւարտը չեն ուզեր: Այդ պետութիւնները ականահարեցին ռուսական հողագործական արտադրութիւնները շուկայ փոխադրելու գործարքը, այդ պետութիւններուն անունները պիտի չնշեմ, սակայն ՄԱԿ-ի ընդհանուր քարտուղար Անթոնիօ Կութիերեսը զանոնք լաւ կը ճանչնայ»:
22 յուլիսին Ռուսիան, Թուրքիան, Ուքրանիան եւ ՄԱԿ-ը Պոլսոյ մէջ ռուսական հողագործական արտադրութիւններն ու պարարտացուցիչները միջազգային շուկայ հասցնելու դէմ հաստատուած պատժամիջոցները ջնջելու վերաբերեալ համաձայնութիւններ ստորագրած էին: