8 տարեկանին Լոնտոնի մէջ «Քորոնա» ժահրէն մահացաւ իրանահայ, ներկայիս լոնտոնաբնակ գեղանկարիչ, ճարտարապետ Էդման Այվազեանը:
Էդման Այվազեանը ծնած է Թեհրան: 1939-1948 թուականներուն յաճախած է Թեհրանի Թամատոն միջնակարգ դպրոցը, 1964-1966-ին` Հռոմի գեղարուեստի ակադեմիային մէջ ստացած է բարձրագոյն ուսում:
1958-ին Իրանի կողմէ մասնակցած է Վենետիկի գեղանկարչական փառատօնին եւ արժանացած արուեստի եւ մշակոյթի նախարարութեան առաջին մրցանակին: 1960-1974 թուականներուն աշխատած է ճարտարապետութեան բնագաւառին մէջ: Գծած է Թեհրանի Ս. Սարգիս եկեղեցւոյ տաճարի պատկերները:
1973-ին փոխադրուած է Լոնտոն: 1980-ին գծած է Ապտուլ Ազիզ թագաւորի անուան օդակայանի Մեծ մզկիթի գծապատկերները:
2015 թուականին գեղանկարիչը պարգեւատրուած է Հայաստանի Հանրապետութեան սփիւռքի նախարարութեան «Արշիլ Կորքի» մետալով: