Կազմակերպութեամբ Ազգային ազատ հոսանք կուսակցութեան եւ ՀՅԴ Լիբանանի Կեդրոնական կոմիտէին, երեքշաբթի, 9 յունուարի երեկոյեան ժամը 7:30-ին Նորաշէնի Սրբոց Վարդանանց եկեղեցւոյ մէջ տեղի ունեցաւ Ս. Ծննդեան միացեալ համերգ:
Ներկայ էին Լիբանանի հայոց թեմի առաջնորդ Շահէ արք. Փանոսեան, կաթողիկէ հայոց Պէյրութի թեմի պատրիարքական ընդհանուր փոխանորդ Գաբրիէլ ծ. վրդ. Մուրատեան, Ազգային ազատ հոսանք կուսակցութեան նախագահ, երեսփոխան Ժըպրան Պասիլ, ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի, ՀՅԴ Լիբանանի Կեդրոնական կոմիտէի կազմակերպական ներկայացուցիչ Ալպեր Պալապանեան, Հայկական երեսփոխանական պլոքի անգամ երեսփոխան Յակոբ Թերզեան, ընկերային հարցերու նախարարի պաշտօնակատար Հեքթոր Հաժժար, երեսփոխաններ Նիքոլա Սահնաուի եւ Նատա Պուսթանի, նախկին նախարարներ ու երեսփոխաններ եւ հոծ բազմութիւն մը:
Ելոյթ ունեցան Համազգայինի «Կարկաչ» մանկապատանեկան երգչախումբը, Համազգայինի «Բարսեղ Կանաչեան» երաժշտական քոլեճի նուագախումբը եւ Ազգային ազատ հոսանքի երգչախումբը: Մասնակցեցաւ նաեւ Համազգայինի «Բարսեղ Կանաչեան» երաժշտական քոլեճի եռեակի երաժիշտներ Գէորգ Քէշիշեան (տուտուկ), Վերոնա Ռուսիալեան (դաշնակ), Նարեկ Քէշիշեան (տհոլ), Կարօ Քէլէշեան (թենոր), նուագակցութեամբ` Ալեքս Սուսանիի:
Ձեռնարկին մանրամասնութիւններուն կ՛անդրադառնանք հետագային: