Մահացած է Հայաստանի Հանրապետութեան ժողովրդական արուեստագէտ, բեմադրիչ Երուանդ Ղազանչեան:
Երուանդ Ղազանչեան ծնած է 2 յունիս 1937-ին, Երեւան: 1974-էն կը դասաւանդէ Երեւանի թատրոնի եւ շարժապատկերի պետական հաստատութեան մէջ (1991-էն` փրոֆեսէօր): 1995-2007-ի ժամանակահատուածին եղած է Հայաստանի թատերական գործիչներու միութեան նախագահը: 1986-ին պարգեւատրուած է Հայաստանի Հանրապետութեան Պետական մրցանակով, 2005-ին` «Երեւանի պատուաւոր քաղաքացի» կոչումով, 2008-ին` Հայ եկեղեցւոյ «Սուրբ Սահակ-Սուրբ Մեսրոպ» շքանշանով: 1974-ին արժանացած է Հայաստանի արուեստի վաստակաւոր գործիչի, 2004-ին` ժողովրդական արուեստագէտի կոչման, 2015-ին` Հայաստանի Հանրապետութեան նախագահի մրցանակին (Տ. Չուխաճեանի «Կարինէ» օփերեթին համար), 2017-ին` Հայաստանի Հանրապետութեան «Հայրենիքին մատուցած ծառայութիւններու համար» առաջին աստիճանի մետալին:
Երուանդ Ղազանչեան տասնամեակէ մը աւելի եղած է նաեւ ՀԲԸՄ-ՀԵԸ-ի Պէյրութի «Վահրամ Փափազեան» թատերախումբին բեմադրիչը: