Աշխարհահռչակ դաշնակահար Եւկենի Գիսինը Հայոց Ցեղասպանութեան 100-ամեայ տարելիցին առնչութեամբ խոշոր համերգով հանդէս պիտի գայ Նիւ Եորքի Քարնեկի-հոլլ դահլիճին Մէջ: Այս մասին, ըստ Armenpress.am-ի, Հոկտեմբեր 22-ին լրագրողներու հետ հանդիպման ժամանակ տեղեկացուցած է «Երեւանեան հեռանկարներ» երաժշտական միջազգային փառատօնի հիմնադիր նախագահ եւ գեղարուեստական ղեկավար, երաժշտահան Ստեփան Ռոստոմեան:
«Այդտեղ աշխարհի մի շարք մեծագոյն երաժիշտներ, իրենց մասնակցութիւնը բերելով համերգին, պէտք է խոսէն Հայոց Ցեղասպանութեան մասին եւ իրենց վերաբերմունքը բերեն` դատապարտելով Թուրքիային»,- ըսած է Ստեփան Ռոստոմեան:
Երաժշտահան Ստեփան Ռոստոմեան այն համոզմունքը ունի, որ տարբեր փառատօներու ծիրէն ներս աշխարհահռչակ երաժիշտները Հայաստան հրաւիրելը կը ծառայէ իբրեւ մեծ զէնք մեր երկրի համար: Իսկ անոր օրինակը կայ: «Մենք տեսանք, թէ ինչպէս անուանի դաշնակահար Եւկենի Գիսինը իր համերգով Հայաստանում բողոք ներկայացրեց Թուրքիայի դէմ` Ցեղասպանութիւնը դատապարտելով, ինչն այլ դէպքերում կարելի էր անել միլիոններ ծախսելով»,- ըսած է Ռոստոմեան:
Աշխարհահռչակ Եւկենի Գիսինի հայաստանեան այցը եղած է «Երեւանեան հեռանկարներ» երաժշտական միջազգային փառատօնի ծիրէն ներս: